SULIASSAQARTITSINIARNEQ ANNERTUSARNIARLUGU SULINIUTIT

Kommunini Piareersarfiit pilersinnerisigut kommunit periarfissaqalerput suliffissaaleqineq akiorniarlugu pikkorissaanikkut piginnaanngorsaanissamut suliniutinik aallartisaallutillu pilersaarusiornissaminnut.

Kalaallit Nunaannut suliffissarsiortut killilersimaarnissaat pillugu Inatsisartut Inatsisaat nr. 27, 30. oktober 1992-imeersoq tunngavigalugu sulisinnaasut Kalaallit Nunaanni najugaqartut sulisussat tamakku pissarsiarineqarsinnaanerat isumaqarfigineqaraangat atorfeqarfinni aalajangersimasuni salliutinneqartartussanngortippaat.

Suliffeqarnermi iluarsaaqqinneq

Suliffeqarnermi iluarsaaqqinneq ingerlatassanut arlalinnut ataatsimut taaguusiussaavoq, ataatsimut katillutik ataatsimoortumik pingaarnerusutigut suliffeqarnermik naalakkersuinikkut toqqammaviusussaq.

Iluarsartuusseqqinnermi pingaarnerutillugu anguniarneqarpoq inuussutissarsiortut suleqatigineqarnissaat suliniutinilu piumaneqarnerusut sammineqarnerunissaat taamaalilluni nunaqavissunik sulisoqarniarneq naammassineqarsinnaaniassammat.

Piareersarfinnut akisussaasut kiffartuussinissamut isumaqatigiissutikkut kommuninut inissinneqarsimavoq.

Suliffeqarnermut iluarsartuusseqqinnermut ilaatillugu Kalaallit Nunaanni sulisussarsiortarneq siuarsarniarlugu nuttarsinnaanermut aningaasaliisarneq pillugu nalunaarut suliarineqarpoq.

2009-iip ingerlanerani nuttarneq pillugu misissueqqissaartoqarpoq, innuttaasut nuttarnerat qulaajarniarlugu.

Nittartakkat takuneqarsinnaasut:

Piareersarfiit pillugit adressemi sukumiinerusumik takuuk: www.nanoq.gl

Annerusumik Suliffeqarnermut iluarsartuusseqqinnermut ilaatillugu Kalaallit Nunaanni sulisussarsiortarneq siuarsarniarlugu nuttarsinnaanermut aningaasaliisarneq pillugu nalunaarut pillugu nittartagaq una takuuk www.stat.gl